Gani Dreshaj vazhdon të insistojë që veteranët e luftës duhet të kenë mundësinë për punë. Ish-deputeti i AAK-së thotë se ligji aktual po pasivizon një shtresë të madhe të shoqërisë, të cilët janë të aftë për punë, dhe po iu mohohet e drejta elementare e punës.
“Kushdo që vjen kryeministër, Albini ose kushdoqoftë, duhet të ndryshojë ligjin për veteranët e luftës. Është mohim i të drejtes elementare për punë që të iu mohohet e drejta e punës, nëse ata janë të gatshëm që të punojnë.
Paga që marrin prej 170 eurosh, është social dhe jo pagë e mirëfilltë. Askush nuk mund të mbajë familje me 170 euro, por nëse atyre iu lejohet e drejta për punë, me një pagë shtesë secili nga ta do të kishte një jetë më të dinjitetshme.
Njoh shumë të tillë, që të gjithë të aftë e të gatshëm për punë, por që ligji i mbanë peng duke ua vështirësuar jetën, trasnmeton Indeksonline.
Fatmirësisht, Prokuroria ka filluar që të dënojë veteranët e rrejshëm, disa nga ta vullnetarisht po largohen nga lista nga frika e drejtësisë dhe në të njëjtën kohë duhet që politika të tregohet e dinjitetshme ndaj veteranëve që nuk kanë kursyer jetën e tyre në luftën për atdhe” ka thënë Gani Dreshaj.
