Lëvizja Vetëvendosje thotë se Holanda ia ka shprehur gatishmërinë që ia ofron Kosovës në rrugën e integrimit evropian.
Dje kryetari i Lëvizjes Vetëvendosje Albin Kurti, bashkë me anëtaren e Kryesisë Arbërie Nagavci dhe kryetarin e Komunës së Mitrovicës, njëherësh anëtarin e Këshillit të Përgjithshëm të Lëvizjes, Agim Bahtirin,, pritën në takim Ambasadoren e Mbretërisë së Holandës, Gerrie Willems, e cila ishte e shoqëruar nga Zëvendës Shefi i Misionit, Peter van der Bloemen dhe Zyrtarja e Lartë për Sundimin e Ligjit në këtë ambasadë, Venera Ramaj.
Në njoftimin e sotëm për media nga VV, theksohet se ambasadorja Willems e uroi Kryetarin Kurti për procesin dhe rezultatin zgjedhor të deritanishëm dhe ndau shpresën që pas çertifikimit të rezultateve përfundimtare nga ana e KQZ-së institucionet shtetërore të formohen sa më parë.
“Ajo u interesua për prioritetet e qeverisë së re, duke thënë që Holanda është e gatshme të ofroj mbështetjen për Republikën e Kosovës në rrugën e integrimit Evropian”, thuhet në komunikatën e VV.
Tutje, thuhet se Kurti e njoftoi Willems se prioritet i qeverisë së re do të jetë luftimi i krimit të organizuar dhe korrupsionit të lartë institucional, zhvillimi ekonomik që sjell vende pune, dhe politikat që zbusin pabarazinë.
“Willems tha se këto prioritete përputhen në masë të madhe me ato të BE-së, Marrëveshjen e Stabilizim Asocimit dhe me Agjendën për Reforma Evropiane (ARE). Nga ana e saj u ndanë edhe shembujt ekzistues të bashkëpunimit në mes Kosovës dhe Holandës në fushën e Sundimit të Ligjit, luftën kundër Korrupsionit, zhvillimin e bujqësisë dhe të biznesit, duke deklaruar se ka hapësirë për forcimin e mëtutjeshëm të bashkëpunimit”, citohet Willems në komunikatën e VV-së.
Postimi i plotë i LVV:
https://www.facebook.com/vetevendosje/posts/10156320787902000?__xts__[0]=68.ARChkcqyCfmie8N2Wpr6qlaW3JYpHvKRrsJwmw_BDsXr2ueFQK3ZpjiWGpplthIHDTpt_LJOCRcawKn53Pckg_-1DTWprsobAii4VI4YLsWVG-W4agGLqrc2e8xzOWVQgZjEOTFkEl4kRYoWgdBTIuj7wGaAjtX-Oh7co1cem6-XSE6q1wDm8dJXoUa3luO0IPwX1DJQBssaTVTm0Ma7d23EGLc6Joakhg4LDpiObEqUiESzRU5FOA1J-_KtWdfPN2O7mIzxgPNbR2gjlmdQ9vZ0EC-MrpDMQLCst5cPVNzl-g8eyx52fAByBM8knPFnEDk7rYSvdUFzcofdBQ&__tn__=-R
