Presidenti i Kosovës, Hashim Thaçi përmes një postimi në facebook ka thënë se edhe pse nuk fitoi Kosova në ndeshjen me Anglinë ata sollën vëmendjen e tërë botës atë se cfarë është Kosova.
Ai ka thënë se tani që janë qetësuar emocionet për ndeshjet e Kombëtares dhe e shikojmë udhëtimin e ekipit të Kosovës ishte i shkëlqyer dhe ajo që mbetet është krenaria me lojtarët, tifozët, trajnerin dhe të gjithë stafin.
“Tash kur janë qetësuar emocionet për ndeshjet e Kombëtares së Kosovës dhe e shikojmë tërë udhëtimin e ekipit tonë të shkëlqyer, ajo që mbetet është krenaria me lojtarët, me tifozët, me trajnerin dhe stafin e tij. Ndeshja kundër Anglisë nuk e solli rezultatin e dëshiruar në fushën e gjelbër, por solli në vëmendjen e tërë botës atë se çfarë është Kosova, një shtet i ri me potencial të madh dhe një shoqëri që përkundër traumave të luftës dhe gjenocidit udhëhiqet me vlerat e mikpritjes dhe respektit, barazisë dhe vëllazërisë”, ka shkruar Thaci.
Ai përfundoi duke thënë se shteti i Kosovës janë mirënjohës për mbështetjen nëkohët më të vështira dhe këtë po e kthejnë me miqësi të përhershme. /InLajmi/
