Djali i vëllait të ish-kryeparlamentarit Jakup Krasniqi, Arian Krasniqi zyrtarë i lartë për standarde dhe Cilësi të Turizmit në Departamentin e Turizmit në Ministrinë e Tregtisë dhe Industrisë është pezulluar nga puna për shkak të sulmit fizik ndaj sekretarit të kësaj ministrie Burim Rrecit.
Në vendimin për pezullim të cilin e ka siguruar “InLajmi” thuhet se Krasniqit i ndalohet hyrja në objektin e MTI-së deri në marrjen e një vendimi tjetër.
Në pikën 3 të vendimit thuhet se pezullimi i Krasniqit behet me pagesë konform nenit 58 paragrafi 4 i Ligjit Nr.06/L-114 për zyrtarët publik.
Më tutje thuhet se pas paraqitjes së rastit disiplinor më datën 12.11.2019 nga u.d Drejtori i Departamentit të Turizmit z.Irfan Lipovica lidhur me sulmin fizik, rrahje kjo e cila ka ndodhur në zyrën e sekretarit të përgjithshëm më 11.11.2019 nga nëpunësi civil Arian Krasniqi. Komisioni disiplinor është mbledhur më 15.11.2019 ka shqyrtuar rastin dhe ka vendosur në pajtim me ligjet ne fuqi./InLajmi
