Një 42-vjeçar shqiptar ka rënë në pranga ditën e sotme pasi akuzohet për dhunë dhe kanosje ndaj bashkëshortes së tij rumune.
Ka qenë vetë 40-vjeçarja ajo që ka marrë iniciativën të denoncojë në polici, partnerin e saj shqiptar. Rumunja tashmë është marrë në mbrojtje nga shoqata “Donne e Giustizia” dhe përpara policiëve italianë ka rrëfyer të gjithë tmerrin që ka përjetuar prej vitesh.
Mediat italiane shkruajnë se 40-vjeçarja ka treguar se shqiptari e pëerndiqte dhe vuante nga një xheloi e sëmurë. Ndër të tjera ajo ka deklaruar se ai i ka thënë konkretisht se nëse e shikonte me një mashkull tjetër do ta vriste dhe do t’i priste fytin.
“Nëse nuk kthehesh me mua do të vras dhe djali do të përfundojë në mes të 4 rrugëve. Nuk e ke kuptuar që të pres fytin? Nëse të shoh me dikë tjetër të vras,”- mësohet të ketë deklaruar rumunja se i ka thënë shqiptari.
Ajo që e bën më të rëndë këtë ngjarje është fakti se e gjithë dhuna është ushtruar prej pesë vitesh në sytë e djalit të tyre të mitur.
Madje, i arrestuari e kërcënuar rumunen që të mos lajmërojë policinë.
“Të thyej dhëmbët, të hedh nga dritarja. Nëse thërret policinë të vras ty, gjykatësin dhe policët,”- mësohet t’i ketë thënë ai më tej.
40-vjeçarja ka rrëfyer më tej edhe faktin që bashkëshorti i saj e kishte përdhunuar ndërkohë që djali i tyre, akoma një foshnjë flinte në dhomën ngjitur.
“Më detyroi të kryenim marrëdhënie seksuale, ndërsa djali ynë, i cili ishte akoma një foshnje, flinte te dhoma ngjitur. U binda që të mos zgjoja djalin,”- mësohet të jetë shprehur ajo.
Tashmë shqiptari është në pranga dhe autoritetet e Anconas kanë marrë gjithçka përsipër./dosja
