Federata Ruse ka ndërmend ta dërgojë Vladislav Vitalyevich Filippov si atashe ushtarak në ambasadën e saj në Sarajevë.
Filipov është diplomat i cili u dëbua nga Shqipëria në mars të vitit të kaluar pas rastit Skripal, kupton Zhurnal. Rusia ka njoftuar zyrtarisht autoritetet boshnjake për këtë qëllim në korrik të këtij viti, kur kërkoi miratimin për të emëruar Filippovin në postin e atasheut ushtarak dhe aviacionit në Ambasadën Ruse në BeH.
Ky veprim i Qeverise Ruse ka nxitur reagime ne Bosnje e Hercegovinë. “Kjo ka të bëjë me njeriun që është dëbuar nga Shqipëria dhe i cili është zyrtarë i lartë në strukturat e larta të shërbimit informativ rus.
Gjithashtu është me rëndësi që ka qenë i dëbuar pas akcionit Skripal. Pra bëhet fjalë për njeriun që paraqitet gjithmonë aty ku planifikohet destabilizimi”, thotë për RTK, Rauf Bajroviq, nga Instituti për Politika të Jashtme në BeH.
Filippov mban gradën e kolonelit në Ushtrinë e Federatës Ruse. Sipas agjencisë ruse Sputnjik, ai ishte një nga dy diplomatët rusë të dëbuar nga Shqipëria në mars të vitit të kaluar pas çështjes “Skripal”.
“Ministria e Jashtme shqiptare ka thirrur për një intervistë me ambasadorin rus Aleksandër Karpushin. Ne e kemi informuar atë që dy diplomatët rusë duhet të dëbohen nga Shqipëria sepse veprimet e tyre nuk përputhen me statutin e tyre diplomatik,” thuhet në një njoftim për shtyp i Ministrisë së Jashtme shqiptare, botuar 26 Mars 2018.
Çështja Skripal Mediat ruse kanë raportuar se, përveç Filippovit, nga Shqipëria ishte dëbuar edhe sekretari i parë i ambasadës ruse, Alexei Balashov. Të dy ka dalë të jenë të lidhur me shërbimin e inteligjencës ushtarake ruse GRU, operatorët e të cilit janë përgjegjës për helmimin e ish oficerit të inteligjencës ruse Sergei Skripal dhe vajzës së tij Julia.
Skripalët u helmuan në qytetin anglez të Salisburit, e pas këtij rasti ka pasuar dëbimi i një numri të madh diplomatësh rusë nga vendet anëtare të NATO-s. Në përgjigje të çështjes Skripal, Shqipëria ka dëbuar Filippovin dhe Balashovin. Vladislav Vitalyevich Filippov është kohë të gjatë oficer i ushtrisë ruse. Ai filloi karrierën e tij ushtarake në vitin 1995 dhe shërbeu si zv / komandant i një regjimenti parashutorësh në Qarkun e Kaukazit të Veriut të Rusisë.
Nga viti 2009 deri në vitin 2012 ai ishte Asistent i atasheut ushtarak në Ambasadën e Federatës Ruse në Maqedoninë Veriore, dhe në vitin 2014 ai u “transferua” në Ambasadën në Tiranë. Agjencitë e sigurisë shqiptare zbuluan se Filippov udhëtonte shpesh në Bullgari dhe atje ai kishte kontakte me agjentë të tjerë të inteligjencës ruse.
Pikërisht të mërkurën, autoritetet bullgare njoftuan se një “atasheu ushtarak në largim në Ambasadën Ruse në Sofje iu refuzua viza.
” Ministria e Jashtme e Bullgarisë dëboi një diplomat tjetër rus një ditë më parë për përfshirje në spiunazh. Të dy diplomatët e dëbuar rusë nga Bullgaria kishin kontakte me Filippovin para se ai të dëbohej zyrtarisht nga Shqipëria.Duke vepruar në Maqedoninë VeriorePas dëbimit, Vladislav Filippov ishte nënkryetari i Departamentit për Organizimin e Punës Ushtarake-Politike në Ushtrinë Ruse.
Ai është nderuar disa herë për veprimet e tij. Gjatë angazhimit të tij “diplomatik” në Maqedoninë veriore, Filippov mbështeti pushtetin e atëhershëm pro-rus VMRO DPMNE dhe ish-kryeministrin Nikolla Gruevski, i cili kundërshtoi anëtarësimin e NATO-s në vendin e tij. Filippov u kthye për pak kohë në Rusi, pas së cilës u transferua në Tiranë nga ku u dëbua.
Duke marrë parasysh që ky ishte një “diplomat” që shprehej tashmë që është kundër NATO-s, Federata Ruse vendosi ta dërgojë Filippovin në një mision në BiH. Autoritetet boshnjake ende nuk kanë marrë një vendim përfundimtar për të. Kujtojmë që vjeshtën e kaluar Goran Zivaljeviç, një zyrtar shumëvjeçar i BIA-s serbe, u emërua në Ambasadën e Serbisë në BiH.
Zivaljeviç më parë ishte dëbuar nga Maqedonia, ku si një “diplomat spiun” ishte përfshirë në organizimin e sulmit ndaj kryeministrit aktual pro-perëndimor të Maqedonisë Zoran Zaev në Sobran. Shërbimi maqedonas më pas deklaroi se Zivaljeviç kishte promovuar politikën pro-ruse të Gruevskit, dhe se ai kishte luftuar kundër pranimit të Maqedonisë Veriore në NATO, shkruan rtk.
Zivaljeviç gjithashtu, sipas informacioneve të Zhrnalit, kishte kontakte me inteligjencën ruse, të koordinuar nga Vladislav Filippov.
