Pyetja se a duhet të hani para apo pas stërvitjes në mëngjes, ka nxitur debat prej vitesh.
Disa thonë se ushqimi para stërvitjes rrit sheqernat në gjak, duke i dhënë karburant trupit për të rritur intensitetin dhe gjatësinë e një stërvitje, si dhe bën që ju të mos lodheni.
Të tjerët thonë se ju digjni më shumë kalori nëse ushqeheni pasi t’i kryeni stërvitjet.
Një studim i vogël në Mbretërinë e Bashkuar mbështet pikëpamjen e fundit – në një grup prej 30 burrash me peshë, ata që ushtroheshin para mëngjesit, digjnin dy herë më shumë yndyrë krahasuar me burrat që hëngrën mëngjes para se të stërviteshin, transmeton Klan Kosova.
Kjo për shkak se ushtrimi pa karburant e detyron trupin të kthehet tek karburantet e ruajtura në trup. Kur ato shpenzohen shpejt kthehet në djegien e qelizave dhjamore.
