Grupi i gruas, që funksionin në kuadër të Shoqatës të afaristëve dhe të bizneseve, “ESNAF”, në Prizren, këto ditë në galerinë e hamamit Gazi Mehmet Pasha, hapi ekspozitën, “Arti nga duart e arta”, e përkrahur nga MKRS-ja, raporton InLajmi.
Në këtë ekspozitë ( e treta me radhë), cila zgjoi interesim të madh tek adhuruesit e artit të Prizrenit të lashtë dhe mysafirët e shumtë, 16 gra, ekspozuan mbi 150 eksponate të ndryshme; piktura, veshje tradicionale dhe moderne, punime dore në porcelan, në pëlhurë, argjend, etj.
Sipas kryetarës të grupit të grave të Shoqatës “Esnaf” në Prizren, zonja Esin Kajmakçiu, qëllimi i kësaj ekspozite, është promovimi dhe njohja e adhuruesve të artit, me punën, talentin dhe magjinë e duarve të arta të nënave dhe grave tona, qofshin në biznes apo shtēpiak. / InLajmi
