Ne besojmë shumë që mëngjesi vendos ritmet e ditës tonë, ndaj na pëlqen të përgatisim diçka të shijshme dhe të shëndetshme në shtëpi. Sugjerimet që do t’ju japim për përgatitjen në shtëpi të mëngjesit janë të shpejta të thjeshta dhe do t’ju bëjnë të ndiheni shumë mirë gjatë gjithë ditës.
Tost avokadoje
Kalojeni ne toster një fetë buke, lyejeni me gjalpë cilësor, ose salcë kosi dhe hidhini sipër disa feta avokadoje, kripë, piper, pak lëng limoni dhe copa speci të kuq nëse e pëlqeni pak pikant. Nëse keni ndonjë rrepë të kuqe, edhe me mirë.
Kos
Ky është një nga mëngjeset më të shpejtë dhe që të ngop më së shumti. Shtoni pak kos në një tas dhe hidhini sipër granola, fruta të freskët dhe fruta të thatë.
Humus dhe tost me vezë
Merrni bukën e tosti, hidhini humus dhe disa copa vezë të ziera shumë ose të skuqura dhe shtoni spec të kuq të thatë të grirë, kripë, piper dhe pak djathë të bardhë.
Avokado dhe vezë “sy” e skuqur lehtë
Skuqni një vezë dhe vendoseni në një pjatë (ose tas nëse do ta merrni me vete) me feta avokadoje, hidhni siper fara susami, vaj ulliri, kripë, piper dhe barishte të freskëta si majdanozi përshembull.
Smoothie
Bëni një smoothie me përbërës që keni në frigorifer, spinaq kastravecë, banane, mollë. Kombinimet e shijeve janë në dorën dhe preferencat tuaja.
