Mimoza Kusari-Lila është njëra ndër femrat më të zonja dhe më të fuqishme në politikë, ajo përveç punës e zonja është edhe në shëndet e këtë e kemi parë në postimet jo të rralla në rrjetet sociale ku shumicën e fotove i ka në natyrë.
Kusari përmes një postimi në rrjetin social Facebok ka thënë se postimet e shpeshta në rrjetet sociale janë një dedikim i mirë për shëndetin.
Ajo theksoi se diabetologët janë shumë të rëndësishëm për konstatimet se sa jemi të rrezikuar nga diabeti apo jo, të gjitha analizat e bëra të Kusarit kanë dal mirë dhe ndër këshillat e saj janë të shijoni më shumë natyrën dhe të kujdeseni në ushqim.
“Shëndeti i mirë është pasuria më e çmuar e njeriut”, ka thënë ajo.
Postimi i saj i plotë:
Ditë më parë, me 14 Nëntor ishte dita Botërore e diabetit, sëmundje e cila prek 6 -7% të popullatës në Kosovë. Karakteristikë është diabeti i tipit 2, i cili është i lidhur direkt me mënyren e jetesës: ushqimin, aktivitetin fizik dhe menaxhimin e stresit me të cilin ballafaqohemi.
Fotot e aktivitetit fizik që i postoj shpesh, kanë synim në vazhdimësi, promovimin e jetës së shëndetshme dhe balancimin e gjithë dinamikës së punëve dhe ngarkesave të përditshme.
Më shumë lëvizje, ecje, vrapim, ngjitje shkallësh, çiklizëm, aktivitet fizik i cili ju bën të ndiheni mirë, zvoglon drastikisht shansat për t’u prekur nga kjo sëmundje.
Gjatë fushatës zgjedhore pata rastin të takoj në Prizren Dr. Raim Bajrami – diabetolog, dhe motrat medicinale Fatime Shporta, Perihane Zajmi dhe Aysel Guzhda të cilët kishin dalë tek Shatërrvani me tendë që qytetarëve të ju ofrojnë mundësinë e analizës së gjakut dhe sheqerit në gjak.
Analizat e mia dolën shumë mire, ndërsa unë sot të gjithëve që lexoni këtë postim, ju inkurajoj, ecni, lëvizni, vraponi dhe kontrollohuni në mënyrë periodike.
Shëndeti i mirë është pasuria më e çmuar e njeriut. Natyra ende po na ofron një kënaqësi të veçantë të ngjyrave dhe bukurisë së vjeshtës. Mos e leni pa i shijuar. /InLajmi
