Të dielën në Stadiumin “Fadil Vokrri” do të zhvillohet ndeshja kualifikuese për Euro 2020 në mes Kosovës dhe Anglisë.
Për këtë, Kosova është munduar shumë që anglezët t’i bëjë të ndihen mirë në vendin e tyre, ku nëpër qytete janë varur parulla që shkruanin ‘Mirë se vjen vëlla’, dhe shkrime të tjera përshëndetëse, shkruan InLajmi.
Kryetari i Federatës së Futbollit të Kosovës, Agim Ademi, ka thënë se kosovarët i janë mirënjohës Anglisë jo vetëm për atë që ka bërë për vendin e tyre, por edhe për kosovarët shumët që jetojnë në Angli.
Vizitorët anglezë kanë mbetur të kënaqur me çmimet, po ashtu dhe ushqimin e vendit tonë.
Ambasada e Britanisë në Kosovë, përmes një postimi në Facebook, ka përshkruar Kosovën si vend mikpritës dhe me njerëz miqësorë.
“Thirrje për të gjithë fansat e Anglisë të cilët udhëtojnë në Prishtinë për ndeshjen e së dielës Kosovë-Angli. Një mikpritje e ngrohtë iu pret në Kosovë, vend i famshëm për mikpritje dhe njerëz miqësor. Bëni qejf, bëni miq dhe shijojeni ushqimin e shkëlqyeshëm dhe natyrisht futbollin”, thuhet në njoftimin e Ambasadës angleze./InLajmi/
