Njihen si krenaria e shqiptarëve në futboll e që jetojnë të dy jashtë Kosovës e ata janë Taulant dhe Granit Xhaka.
Në një postim në Instagram, futbollisti Taulant Xhaka ka uruar nënën e tij me një mesazh emocionues në ditëlindjen e saj.
Ai ka thënë se ajo do të mbetet gjithmonë shembulli i tij në jetë edhe pse nuk do arrijë kurrë të bëhet as sa gjysma e saj, i cili e ka përfunduar duke thënë se është personi më i shtrenjtë në jetën e tij.
“Happy birthday Mam. Në këtë botë, unë nuk kam njohur qoftë edhe një njeri të vetëm të të afrohet për së largu për të gjitha vlerat që ti ke si femër, si bashkëshorte, si nënë, si vajzë, si bashkëpunëtore, por mbi të gjitha si NJERI. E di që këto fjalë duken të ekzagjeruara për ata që nuk të njohin, por unë i them me krenari dhe me sigurinë më të plotë, sepse jam i bindur që kush të njeh jo vetëm që më jep të drejtë, por edhe do shtonte shumë të tjera nga vetja. Ke qenë dhe do mbetesh shembulli im në jetë, edhe pse nuk do arrije dot kurrë të jem as sa gjysma jote! Gëzuar ditëlindjen nëna ime e dashur, personi më i shtrenjtë në jetën time,’ka shkruar ai./InLajmi/
