Sot do t’i jepet lamtumira e fundit regjisores Arzana Kraja, që ndërroi jetë dje.
Gresa Kraja, motra e të ndjerës, ka bërë të ditur se varrimi i regjisores do të bëhet në ora 14:00, në Prishtinë në varrezat e Dragodanit.
“Me pikëllim dhe zemër të thyer ju njoftojmë për ndarjen nga jeta të vajzës dhe motrës sonë të dashur Arzana Kraja. Varrimi i saj bëhet të enjten te varrezat e Dragodanit në Prishtinë në orën 14:00. Dyert e familjes do të jenë të hapura në lagjen Ulpiana D9, pranë klinikës “Fati im”, ka shkruar Gresa Kraja në rrjetin social Facebook.
https://www.facebook.com/gresa.kraja/posts/10219495622397883
38 vjeçarja është vajza e kryetarit të Akademisë së Shkencave dhe Arteve të Kosovës, Mehmet Kraja.
Regjisorja kosovare njihet më së miri për filmin ‘Shkurta’, ndërsa ishte edhe regjisore e filmit të metrazhit të gjatë, “Fusha e mëllenjave” që bëri hapjen zyrtare të edicionit të 11 të PriFest 2019.
“Fusha e Mjellmave” ishte pretendent për çmim edhe në ngjarjen prestigjioze të filmit ‘Berlinale’.
Krerët e shtetit kanë ngushëlluar familjen për vdekjen e regjisores, të gjithë janë shprehur se Arzana Kraja i ka dhënë shumë kinematografisë kosovare. /InLajmi
