Në garën për raportues të Kosovës në Këshillin e Evropës, gjermani Peter Beyer ka mundur rusin Aleksey Kondratyev.
Për këtë, kryeministri në detyrë, Ramush Haradinaj përmes një postimi në Facebook ka uruar raportuesin e ri i cili ka thënë se atë e ka mund me 33 vota kundër deputetit rus i cili mori 6 vota.
“Sot në takimin e Komitetit për Politikë dhe Demokraci të Asamblesë Parlamentare të Këshillit të Evropës me shumicë votash u vendosë që raportuesi për Kosovën të jetë, Peter Beyer, deputet nga koalicioni qeverisës CDU-CSU i Kancelares gjermane, Angela Merkel, me 33 vota kundër deputetit rus, Alexei Kondratiev, që mori vetëm 6 vota.
Uroj që ky vendim të jetë një rifillim i mbarë i angazhimit evropian në Kosovë, me qëllim të avancimit të rrugëtimit të Kosovës drejt integrimit të plotë në familjen evropiane”, ka shkruar Haradinaj./InLajmi/
