Policia e Kosovës ka bërë të ditur përmes raportit-24 orësh që dje njësitet policore të Drejtorisë për Hetimin e Krimeve të Rënda në Prishtinë kanë zbatuar urdhëresën e Prokurorisë Themelore të Mitrovicës, ku në malet e fshatit Llaushë të Skenderajt është bërë hapja e një varri ku janë gjetur mbetje mortore të trupit të një personi, të cilat janë marrë dhe dërguar në Institutin e Mjekësisë Ligjore në Prishtinë.
Rasti ka të bëjë me një vrasje që është bërë midis muajve prill – maj të vitit 1999, ndërsa viktima është NN, shkruan InLajmi.
“Me datën 13.11.2019 njësitë policore të Drejtorisë për Hetimin e Krimeve të Rënda në Prishtinë kanë zbatuar urdhëresën e Prokurorisë Themelore në Mitrovicë ku në malet e fshatit Llaushë është bërë hapja eks-humimi i një varri ku janë gjetur mbetje mortore të trupit të njeriut të cilat janë marr dhe dërguar në Institutin e Mjekësisë Ligjore në Prishtinë” shkruan në rapoprtin e policies. /InLajmi
