Asamblisti i Lëvizjes Vetëvendosje, njëherit kandidati për deputet, Eman Rrahmani përmes një postimi në rrjetin social Facebook, ka thënë se futja e NISMA-s në Kuvendin e Kosovës është një lloj kontrabande mes partive të tjera por jo Vetëvendosje.
Më tutje shtoi se kjo po bëhet me qëllim që qeveria LVV-LDK të mos jetë stabile në mënyrë që të varet nga minoritet.
“Lojëra të tilla duhet të parandalohen”, ka shkruar Rrahmani.
Postimi i tij i plotë:
“Tentimi për kontrabandimin e NISMA-së në kuvendin e Republikës së Kosovës po bëhet nga të gjitha partitë përveç VETËVENDOSJE-s. Qëllimi i tyre është të pamundësohet një qeveri stabile ku nuk do të kishte rrezikim të shkuarjes në zgjedhje para 4 viteve. Kjo lojë po bëhet që të jetë një qeveri pa shumicën e thjeshtë, të jetë e varur nga minoritet dhe partitë që kanë keq qeverisë deri më sot. Lojëra të tilla duhet të parandalohen”, ka shkruar ai. /InLajmi
