Vjeshta dhe dimri do të jenë të vështira për qytetarët e Vlorës, të cilët duhet të përballen me përmbytjet sa herë që ka reshje shiu.
Reshjet e shiut qe kanë rënë gjatë mbrëmjes dhe me intensitet të lartë kanë sjellë sërish përmbytje në disa rrugë.
Top Channel ka përgatitur një kronikë ku mund të shihet situata e rënduar duke vështirësuar edhe qarkullimin e automjeteve.
Si çdo herë më problem ngelet zona e Skelës si dhe lagjja ‘28 Nëntori’ ku aktualisht niveli i ujit arrin deri në 50 centimetra.
Edhe pse punonjësit e ujësjellës kanalizimeve janë në terren për normalizimin e situatës, gjendja mbetet problematike.
