Tre persona kanë humbur jetën në aksidente trafiku gjatë 24 orëve të fundit.
Shkaktar kryesorë të këtyre aksidenteve sipas policisë vlerësohet të kenë qenë humbja e kontrollit mbi veturë, pakujdesia e drejtuesve, përdorimi i alkoolit etj..
Këto të dhëna janë bërë të ditur nga policia e Kosovës.
Zëdhënësi i Policisë së Kosovës, Daut Hoxha ka thënë se vetëm gjate 24 orëve të fundit kanë ndodhur 3 aksidente me fatalitet, 27 me të lënduar dhe 28 aksidente me dëme materiale.
| Aksident me fatalitet | 3 |
| Aksident me të lënduar | 27 |
| Aksident me dëme materiale | 28 |
| Tiketa trafiku të shqiptuara | 1260 |
| Persona të arrestuar | 17 |
| Persona në mbajtje | 12 |
| Persona në vuajtje të dënimit | 1 |
Polica e Kosovës kërkon përkushtim dhe vigjilencë nga të gjithë, përfshire institucionet dhe pjesëmarrësit ne trafik, në veçanti kërkohet kujdes i shtuar nga vet drejtuesit e automjete, në mënyrë që të reduktohen aksidentet me fatalitet, shkruan InLajmi.
Apeli nga Policia e Kosovës:
Policia e Kosovës kërkon kujdes të shtuar gjatë vozitjes dhe respektim të ligjit në trafik
Bazuar në statistikat tona vetëm gjatë 24 orëve të kaluara tre (3) persona kanë humbur jetën si pasojë e aksidenteve rrugore, ku sipas informacioneve fillestare shkaktarë kryesor vlerësohet të kenë qenë; pakujdesia e drejtuesve, humbja e kontrollit mbi automjet, perdorimi i alkoolit etj.
Policia e Kosovës, në vazhdimsi ka ndermarr masa aktive në funksion të një sigurie më të madhe nëpër rruget tona, me gjithë aktivitetet për parandalim të aksidenteve nga Policia, fushatave mediale, planeve operacionale dhe masave ligjore ndaj kundervajtsëve, humbja e jetëve njerëzore në aksidente trafiku mbetet shqetsim i madh për të gjithë ne, prandaj për të ndikuar në reduktimin e aksidenteve në përgjithësi dhe humbjen e jetëve njerzore në veçanti, kerkohet përkushtim dhe vigjilencë nga të gjithë, perfshirë institucionet dhe pjesmarrësit në trafik, në veqanti kerkohet kujdes i shtuar nga vet drejtuesit e automjetve. Respektimi i ligjit të trafikut, ku përfshihen; kufizimi i shpejtësisë, përshtatja e drejtimit të automjetit me kushtet në rrugë, mos perdorimi i alkoolit gjatë vozitjes, përqendrimi më i madh gjatë vozitjes dhe shmangia e përdorimit të telefonave gjatë vozitjes duhet marr parasyshë për parandalim të aksidenteve.
Policia po vazhdon dhe do të vazhdoj ndermarrjen e masave rigoroze ligjore dhe do të jet zero tolerant ndaj veprimeve të të gjithë atyre drejtuesve që bien ndesh me ligjin e trafikut dhe rrezikojnë sigurinë e pjesmarrësve tjerë, me të vetmin qëllim parandalimin e aksidenteve fatale. /InLajmi
