Lëvizja Vetëvendosje në legjislaturën e shtatë të Kuvendit të Kosovës do përfaqësohet nga 11 gra deputetet. Kujtojmë se VV-ja në zgjedhjet e parakohshme të 6 tetorit doli si parti e parë me 26.15% të votave. Vetëvendosja do të qeverisë me 32 deputet prej tyre 11 janë gra.
Nënkryetarja e Vetëvendosjes Fatmire Mulhaxha Kollqaku përmes një postimi në rrjetin social Facebok ka thënë se deputetet e Vetëvendosjes kanë fituar pa kuotë.
Postimi i plotë:
“Pa fund e lumtur që 11 deputetet e VETËVENDOSJES! kanë fituar mandatet pa kuotë.
Në mesin tonë e kemi deputeten më të votuar, Albulenen dhe deputeten më të re 22 vjeçare, Fjollën e bukur dhe të mençur.
Por, edhe të gjitha kandidatet tjera e merituan po aq që të jenë pjesë e legjislaturës së shtatë. Ne i duam dhe respektojmë njëjtë si dhe të gjitha aktivistet që dhanë çdo gjë nga vetja për suksesin e arritur.
Kjo është Lëvizja, prandaj e dua”. /InLajmi
