Pas një hetimi të bërë nga Policia e Kosovës që kanë parandaluar trafikimin e tri viktimave të moshës 17 vjeçare, ka reaguar Ambasada e Shteteve të Bashkuara të Amerikës në Kosovë.
Përmes një postimi në rrjetin social Twitter, Ambasada ka lavdëruar punën e policisë pasi që kanë qenë të gatshëm për të mbrojtur këta viktima.
“Një hetim nga Policia e Kosovës në lidhje me Hetimet për Trafikimin e Qenieve Njerëzore, rezultoi që tri viktima të moshës 17-vjeçare të marrin ndihmën e nevojshme, si dhe u bë një arrestim. Ne e përgëzojmë punën e policisë, të cilët janë shprehur të gatshëm që të mbrojnë këta viktima që janë të cenueshëm nga krimi”, thuhet në shkrimin e publikuar. /InLajmi/
