Kryetari i Lëvizjes Vetëvendosje, Albin Kurti, gjatë qëndrimit në Parisë takoj Kryetaren e Komisionit për Punë të jashtme në Asamblenë Nacionale të Francës, Marielle de Sarnez.
Gjatë këtij takimi është diskutuar për ngjarjet e fundit të Kosovës duke i theksuar urimet për fitoren e Lëvizjes Vetëvendosje si dhe për programet qeveritare të cilat do të jenë në bashkëpunim më Francën.
Kurti tutje tha se Sarnez është njoftuar hollësisht për zhvillimet e rajonit si luftën kundër korrupsionit, zhvillimin ekonomik dhe arsim cilësor.
Kurti ka kërkuar reciprocitet Kosovë-Francë.
Postimi i plotë:
“Sot në Paris, takova Kryetaren e Komisionit për Punë të Jashtme në Asamblenë Nacionale të Francës, znj. Marielle de Sarnez. Ajo më uroi për fitoren në zgjedhjet e 6 tetorit dhe e theksoi dëshirën dhe nevojën që të thellohen edhe më tej marrëdhëniet bilaterale ndërmjet Francës dhe Kosovës.
I shoqëruar nga ambasadori ynë, z. Qëndrim Gashi, e falënderova znj. de Sarnez për ndihmën e rëndësishme që Franca i ka dhënë Kosovës ndër vite, në kohë lufte e paqe, për siguri dhe zhvillim. Nënvizova gatishmërinë e Kosovës për zhvillimin e një partneriteti të ngushtë e strategjik me Francën në fusha me interes reciprok.
Kryetaren de Sarnez e njoftova edhe për zhvillimet në vend dhe rajon si dhe për përgatitjet tona për programin qeverisës që i përgjigjet vullnetit, të drejtave dhe kërkesës së qytetareve për rend e ligj, luftë kundër korrupsionit, zhvillim ekonomik dhe arsim cilësor”, ka thënë Kurti. /InLajmi
