Kryetari i Komunës së Ferizajt, Agim Aliu, ka reaguar pas ftesës për intervistim të kryetarit të PDK-së Kadri Veseli nga Gjykata Speciale për datën 4 dhjetor.
Aliu përmes një postimi në rrjetin social Facebook shkruan se triumfi i lirisë e dashuria për atdhe, mes çdo personaliteti politik, bënë dallim e spikat një emër, një familjar e udhëheqës shembullor, si Kadri Veselin.
Ai më tutje tregon se Ushtria Çlirimtare e Kosovës është faqebardhë dhe se Kosova është dhe përherë do të mbetet krenare me UÇK-në.
Edhe Gjykatat ndërkombëtare do e kenë fundin e ai fund do të jetë si rezultat i pastërtisë së luftës çlirimtare, lavdinë e heroizmin e djemve e vashave që mbrojtën me jetë e gjak atdheun. “Mundin e sakrificat tuaja, nuk i harron Kosova, nuk i tret as koha e as epoka! Ngadhënjen fitorja e drejtësia, aty ku pa kursim, u derdh gjaku për liri. Me ty, për Kosovën që të njohu gjithmonë si fitimtar!”, shkruan Aliu.
Postimi i plotë:
“Triumfi i lirisë e dashuria për atdhe, mes çdo personaliteti politik, bënë dallim e spikat një emër, një familjar e udhëheqës shembullor, Kadri Veselin.
Kryetar, Ferizaj dhe gjithë Kosova ndajnë një vullnet të sinqertë e besëplotë se ju, si në çdo stuhi, do ta nxjerrin Kosovën, Ushtrinë Çlirimtare të Kosovës e vetveten, faqebardhë e krenare!
Çdo gjykatë e nismë e drejtësisë ndërkombëtare, do të ketë një dhe vetëm një përfundim: pastërtinë e luftës çlirimtare, lavdinë e heroizmin e djemve e vashave që mbrojtën me jetë e gjak atdheun.
Mundin e sakrificat tuaja, nuk i harron Kosova, nuk i tret as koha e as epoka!
Ngadhënjen fitorja e drejtësia, aty ku pakursim, u derdh gjaku për liri.
Me ty, për Kosovën që të njohu gjithmonë si fitimtar! /InLajmi
