Shumica prej nesh duam të humbim peshë.
Dhe ka shumë shembuj inspirues përreth nesh që na bëjnë të qartë faktin se mbipesha është e pashëndetshme dhe aspak atraktive.
Por, cili rregull ju ndihmon të humbni peshë?
Rregulli i balancimit të energjisë
Ushqimi i shëndetshëm dhe aktiviteti i moderuar fizik janë mënyra të njohura përmes së cilave mund ta keni një formë të mirë të trupit.
Sidoqoftë, këto aktivitete nuk do të japin rezultate nëse nuk i përmbaheni rregullit të balancimit të energjisë.
Ky rregull jo vetëm se na ndihmon të humbim peshë, por edhe e parandalon mbipeshën.
Rregulli i balancimit të energjisë është kështu: ne duhet të konsumojmë saktësisht sasinë e kalorive që e harxhojmë brenda ditës. Në këtë rast, është e pamundur të shtojmë peshë.
Kur konsumojmë më shumë kalori sesa ç’shpenzojmë, pesha jonë rritet pak.
Nëse konsumojmë më pak kalori se ç’shpenzojmë, ne humbim peshë. Ky është çelësi drejt suksesit.
Numërimi i kalorive
Në mënyrë që ta gjeni numrin e kalorive të cilat i shpenzoni gjatë një dite, më poshtë i keni kalkulimet e përafërta:
* 8 orë gjumë – 260 deri në 300 kalori
* 8 orë punë në zyre – 480 deri në 500 kalori
* Transporti punë-shtëpi – 28 kalori për 30 minuta
* 1 orë palestër – 230 deri në 350 kalori
* Shpenzimet tjera të energjisë/kalorive (stresi, energjia e shpenzuar në tretje të ushqimit, etj.) – 570 deri në 800 kalori
Duhet ta keni parasysh faktin se shpenzimi i energjisë mund të ndryshojë nga lista për shkak se kryesisht varet nga pesha dhe intensiteti i aktivitetit fizik.
Anthony Howard-Crow ka humbur 15 kilogramë duke ngrënë vetëm akullore
Anthony Howard-Crow, bloger fitnesi nga Kolorado, ka kryer një eksperiment interesant. Ai ka ngrënë vetëm akullore për 100 ditë. Për këtë periudhë, ai i ka humbur 15 kilogramë.
Çdo ditë ai konsumonte më pak se 2,000 kalori. Ai ka kryer shumë aktivitete fizike në mënyrë që të djegë më shumë kalori sesa ç’kishte konsumuar.
Siç edhe mund ta shihni, ky eksperiment kishte funksionuar.
Sidoqoftë, në fund të eksperimentit ai ishte ankuar për lodhje dhe ligështim.
Akullorja padyshim se nuk është dieta më e mirë, ndonëse rezultati kishte qenë i saktë.
ohn Cisna i ka humbur 28 kilogramë vetëm me ushqim të shpejtë
John Cisna është mësues nga Iowa. Ai ka konsumuar vetëm në McDonalds për gjysmë viti.
Si rezultat i kësaj, ai ka arritur t’i humb 28 kilogramë.
John po ashtu e ka ndjekur rregullin e njëjtë: ai ka shpenzuar më shumë kalori sesa ç’kishte konsumuar.
Ai gjithashtu ishte përpjekur ta mirëmbante normën ditore të karbohidrateve, proteinave, yndyrave dhe kishte ecur të paktën 45 minuta çdo ditë.
Pra, rregulli i energjisë vërtet se funksionon, përcjell Botasot.
Sidoqoftë, është e domosdoshme të mbani mend për aktivitetin fizik. Ky aktivitet ju ndihmon t’i mbani muskujt në formë dhe trupin do ta keni më të mirë.
