Emrush Ujkani, Drejtori ekzekutiv i Këshillit të Investitorëve Evropianë (KIE), vlerësoi se pa zhvillimin e sektorit privat vështirë se mund të kemi rritje ekonomike në Kosovë.
Ai theksoi se sektori privat duhet të jetë konkurrues me vendet e rajonit.
Ujkani ka treguar se me trendin aktual është e pamundur që Kosova të jetë konkurrente me tregjet e rajonit e lëre më gjerë.
Sipas tij, shteti ynë ka nevojë për përmirësime të mëtutjeshme në ata sektorë ku Republika e Kosovës ka marrë obligime karshi Marrëveshjes për Stabilizim Asocim (MSA), shkruan Epoka e Re.
Ujkani gjithashtu ka thënë se ka nevojë për reforma të ligjeve bazike për të bërit biznes, pastaj për reforma në procedurat administrative të cilat nganjëherë janë të stërzgjatura.
