Avdullah Hoti nga radhët e Lidhjes Demokratike të Kosovë përmes një postimi në rrjetin social Facebook ka thënë se pa u bërë zgjidhje për vendosjen e shumë punëtorëve të Ministrisë së Kulturës, Rinisë dhe Sportit dhe Minsitrisë së Bujqësisë ku nuk paguhet qira, nënkupton rritje të shpenzimeve qeveritare për qira.
Ai theksoi se është e natyrshme që Presidenca të jetë e vendosur në një objekt më të përshtatshëm por nuk mund të rritet komoditeti i zyrtarëve publik në kurriz të shpenzimeve publike, shkruan InLajmi.
“Zhvendosja e Presidencës në zyrat e Ministrisë së Kulturës, Rinisë dhe Sportit dhe Minsitrisë së Bujqësisë, pa u bërë zgjidhje për vendosjen e qindra punëtorëve të këtyre dy Ministrive ku nuk paguhet qira, nënkupton rritje të shpenzimeve qeveritare për qira.
Është e natyrshme që Presidenca të jetë e vendosur në një objekt më reprezentativ dhe më të përshtatshëm, siç është objekti i Minsitrisë së Kulturës, Rinisë dhe Sportit dhe Ministrisë së Bujqësisë.
Por, kjo duhet të ndodhë krahas ndërtimit të objektit ose gjetjes të zgjidhjes për akomodim të dy Minsitrive. Përndryshe, do të rriten shpenzimet për qira për qindra mijëra euro në vit, të cilat edhe tash janë të larta.
Nuk mund të rritet komoditeti i zyrtarëve publik në kurriz të shpenzimeve publike, me gjithë respektin për institucionin më të lartë të shtetit që është Presidenca” shkroi Avdullah Hoti. /InLajmi/
