Neuropsikiatri Dr. Jusuf Ulaj ka alarmuar qytetarët që të kenë kujdes në konsumimin e barnave dhe të mos i përdorin barnat me banderola të Serbisë, pasi ato nuk janë të sigurta.
Ulaj ka deklaruar se gjatë ditës së sotme i ka pasur dy raste të tilla të pacientëve me barna të cilat mbajnë banderolat “Republika Serbija” të kontrabanduara në Kosovë, shkruan InLajmi.
Postimi i tij i plotë në Facebook:
Mos pini medikamente me banderola të Sërbisë sepse nuk janë të sigurta. I sjellin kontrabanduesit serboshqiptarë – nuk dihet si ruhën dhe transportohën derisa arrijnë në “barnatorët klandestine” në Kosovë. Para së t’i blejni shikoni banderolat – duhet me qenë të Republikës sonë e jo “Republika Serbija”. Çdo ditë shoh paketime që sjellin pacientët me banderola serbe. Sot e kisha rastin nga Suhareka me dy të tilla.
Ndoshta një ditë inspektorët farmaceutik do të kryejnë obligimin e tyre ligjor! /InLajmi/
