Luftimi i krimit dhe korrupsionit vazhdon të jetë kusht për liberalizimin e vizave.
BE vazhdimisht përsërit që të plotësohet edhe ky kusht.
E avokati Tomë Gashi, ka thënë se çështja e liberalizimit të vizave përmendet vetëm në kohë fushate, duke shtuar se kemi mbetur të mbyllur për faj të politikanëve.
“Tek ne që gati një decenie flitet për liberalizim të vizave. Kjo posaçërisht bëhet temë thuajse kyçe gjatë fushatave parazgjedhore por pastaj harrohet krejtësisht kjo temë. Ne kemi mbetur i vetmi vend në Evropë hermetikisht të mbyllur për fajin e politikanëve tanë të deritanishëm”, ka deklaruar Gashi.
Sipas tij, ky projekt do të ndihmojë sistemin e drejtësisë, shkruan Botasot.
“Dhe përfundimisht ky projekt do të ndihmojë shumë institucionet e drejtësisë së Kosovës dhe do ta ndihmojë Kosovën në imponim të sundimit të ligjit”, është shprehur avokati Tomë Gashi”.
