Gjatë mbledhjes së sotme Komisioni Qendror i Zgjedhjeve nuk ka marrë kurrfarë vendimi në lidhje me mbi 1700 votat që kanë ardhur nga diaspora më 17 tetor.
Kryetarja e KQZ-së Valdete Daka u shpreh se nuk do të marrin vendim se a do të numërohen këto vota duke qenë se do të bien në kundërshtim me aktgjykimin e Supremes e cila ka vendosur që të numërohen votat e diasporës që kanë ardhur me vonesë.
“Nëse marrim vendim i bie që po e kundërshtojmë aktgjykimin e Supremes. Ne do të jemi objekt ankimi pas cilit do vendim. Kështu që nuk kisha dashtë që ta fusim në votim”, ka thënë Daka.
Mirëpo anëtari i Vetëvendosjes në KQZ, Adnan Rrustemi është shprehur se është nonsens të mos numërohen edhe këto vota të cilat e kanë natyrën e njëjtë me të cilat Supremja kishte marrë vendim, transmeton Zëri.
Ai ka thënë se në vendim e Supremes përmendet nisja e votave që është bërë brenda afatit dhe jo arritja e tyre.
