Al-Baghdadi, udhëheqësi i të ashtuquajturit Kalifati Islamik, raportohet se hodhi veten në erë gjatë sulmit të synuar mbi strehën e tij në provincën Idlib të Sirisë, në orët e para të mëngjesit të së dielës, shkruan InLajmi.
Udhëheqësi i ISIS-it ishte me dy gratë e tij, të cilat raportohet se kishin veshur pajisje eksplozive, si dhe fëmijët e tij për të cilët besohet të jenë akoma gjallë.
Për operacionin e Ushtrisë Amerikane për vrasjen e e udhëheqësit të grupit militant të Shtetit Islamik (ISIS) Abu Bakr al-Baghdadi ka shkruar Ramush Haradinaj. Ai ka thënë se është moment historik drejt fitores ndaj ISIS dhe terrorizmit.
Postimi i plotë i tij:
“Operacioni i Ushtrisë Amerikane për vrasjen e e udhëheqësit të grupit militant të Shtetit Islamik (ISIS) Abu Bakr al-Baghdadi është moment historik drejt fitores ndaj ISIS dhe terrorizmit. Kosova do të mbetet partner i besueshëm dhe qëndron e paluhatur në rreshtin e Koalicionit Global Kundër Terrorizmit, nën udhëheqjen e Shteteve të Bashkuara të Amerikës”. /InLajmi/
