Lideri i VV-së, Albin Kurti ka folur përsëri për publikimin e ekspertëizës për rastin e Astrit Deharit.
Kurti, përmes një postimi në Facebook ka thënë se mundësinë e vetëvrasjes së Astrit Deharit sipas raportit është përjashtuar, dhe tani sipas tij dyshimet qëndrojnë në përfshirjen e personit të tretë, shkruan InLajmi.
Sipas Kurtit, nevojitet hetim i ri, i pavarur e profesional, për ta ndriçuar plotësisht këtë ngjarje.
Postimi i plotë i tij:
Ekspertët e mjekësisë ligjore nga Instituti i Lozanës në Zvicër e kanë përjashtuar mundësinë e vetëvrasjes së Astrit Deharit. Raporti i tyre është shkencor dhe i hollësishëm për nga metoda dhe të gjeturat. Ata kanë konstatuar përfshirjen e personi/ave të tretë.
Nevojitet hetim i ri, i pavarur e profesional, për ta ndriçuar plotësisht këtë krim. Jo vetëm mbi faktet e provat materiale. Sepse, duhen hetuar e shqyrtuar rrethanat fizike dhe të tjera të krimit, si dhe procesi i deritanishëm hetues. Sepse, duhen hetuar njerëzit përgjegjës, çka kanë bërë, si e kanë bërë dhe çka nuk kanë bërë.
Krimit mbi Astritin në duar të shtetit para tri vjetëve i është shtuar padrejtësia e shtetit tash e tri vjet. Drejtësia për Astritin nuk ka alternativë. Është në pyetje asgjë më pak se e drejta për jetë e qytetarit të Republikës./InLajmi/
