Fortesa Orana është karateistja pretenduese në kualifikimet e Lojërave Olimpike Tokyo 2020, gjatë intervistës për InLajmin ka treguar se synimi i saj është kualifikimi, e mandej qëllim është fitorja dhe medalja në evropian. Njëherësh karateistja është shpallur Kampione e Ballkanit në vitin 2018 si dhe ka fituar vendin e parë si junior “Austria Open”.
Që e vogël ka filluar të merret me karate, vullneti e dëshira ia kanë forcuar rrugëtim drejtë fitoreve dhe arritjeve në karrierë si sportiste e suksesshme. Për Fortesën karateja është pasion por edhe profesion është sporti që më së shumti kalon kohë më të. Ajo po ashtu ka theksuar se nuk do të ndahet asnjëherë nga ky sport dhe e sheh vetën në majat e suksesit. 
Fortesa është sportiste e Federatës së Kosovës të Karates që nga viti 2012, kurse është shpallur si “sportistja e vitit” gjatë viteve 2013, 2014, 2015, 2016.
Intervistë me karateisten, Fortesa Orana!
- Kur keni filluar dhe kush ju shtyri të merreni me këtë sport?
“Me sportin karate jam marrë që nga mosha 7 vjeçare, ndërsa insprimi për këtë sport ka qenë nga vajza e tezës, e cila po ashtu është marrë më karate. Në mënyrë spontane fillova me karate por para se të filloj në karate jam marrë edhe me hendboll por vetën e gjeta tek karateja, sepse më flinte më shumë në zemër. Dhe nga ajo kohë vazhdova vetëm me karate, është sporti që dua unë, është gjithçka për mua”.
- Sa është e vështirë të jeni i suksesshëm në sport? Përshkruani sportin tuaj?
“Te merresh me sport është mjaft e vështirë, duke ja nisur që nga ushtrimet e shumta, kujdesi ndaj vetës në regjimin ushqimor, përgatitjet fizike dhe psiqike, pasi që e dimë që karateja është sport inteligjent. Konkurrenca është e madhe por nuk ndalem asnjëherë në përgatitjet e mija për një të ardhme të suksesshme. Sporti im ka të bëjë me taktikat e shpejtësisë, duke e mposhtur kundërshtarin dhe sa më shumë kundërshtar të mposhti mund të fitoj medaljen.
- A keni mbështetje të mjaftueshme nga trajneri juaj? Ku e shihni veten në të ardhmen?
“Mbështetja e trajnerëve nuk ka munguar asnjëherë edhe përkundër kushteve aktuale të cilat i kemi, gjithmonë është munduar të bëhemi profesionist në këtë sport. Por pa dyshim shtysit më të mëdhenj kanë qenë familja të cilët i gëzohen çdo fitores sime dhe përherë i kam afër vetës.
- Si është të jesh një karateiste? Për ju është pasion a profesion sporti?
“Te jesh karariste nuk është edhe e lehtë, duhet përkushtim, stërvitje të shumta dhe asnjëherë të mos ndalem deri në fitoret e mëdha. Për mua profesion dhe pasion është karateja sepse gjithçka që bëjë është sporti i karates.
- Cili është mesazhi për të rinjtë që mund të përçoj ky sport, në motivimin për të ndjekur suksesin qoftë në Kosovë dhe jashtë vendit?
“Mesazhi për të gjithë të rinjtë është të merren sa më shumë me sport, gjithçka është e mundur ja vlen ta provosh, sakrifikosh dhe të fitosh nga sporti. Çdo gjë e nisur ka dhe vështirësitë e veta, por vullneti, puna dhe pasioni për sportin ju bënë të arrini majat e suksesit. Intervisten e realizoi Dona Gashi /InLajmi/
