Policia e Kosovës ka arritur në QKUK ku janë dërguar punëtorët e Qendrës së Rinumërimit dhe Numërimit , të cilët dyshohet se janë helmuar nga zarfet me vota të ardhura nga Serbia.
Zëdhënësi i Policisë së Kosovës, Daut Hoxha, ka thënë Policia , Policia posedon informata të tilla për helmim, por për detaje në këtë fazë ka rekomanduar që pyetjet të adresohen në KQZ dhe tek autoriteteve shëndetësore.
9 persona janë në infektivë, derisa gjendja e tyre është stabile. Megjithatë, ata janë të shqetësuar.
E edhe në emergjencë ka zyrtarë policorë.
26 persona të helmuar në QNR nga zarfet e ardhura me vota nga Serbia – ndërpritet procesi.
Procesi i verifikimit të zarfeve me vota të ardhura nga Serbia është ndërprerë rreth orës 11:00 shkaku se punëtorët kanë raportuar për kundërmim nga ta,shkruan koha.net
Raportohet të jenë helmuar rreth 26 zyrtarë kosovarë që kanë punuar në numërimin e zarfeve.
Ekipet e Emergjencës dhe të Policisë kanë arritur në vendin ku janë duke u verifikuar votat e në të cilën, për shkak të kundërmimit nga zarfet me votat e ardhura nga Serbia, është ndërprerë procesi.
Me kërkesë të Policisë, të gjithë zyrtarët që kanë qenë brenda qendrës janë duke u trajtuar nga ekipet e mjekësisë urgjente.
