Komisionit Qendror Zgjedhor i ka mbetur që të bëj numërimin e votave me kusht dhe ato të diasporës.
Organizata “Germin”, që merret me çështjet e diasporës kosovare përmes një komunikate ka thënë se shprehin shqetësim që votat e dërguara me postën e Republikës së Serbisë, dyshohet të jenë të manipuluara,shkruan Insajderi.
“GERMIN shpreh shqetësime rreth votave të dërguara me postë nga Republika e Serbisë, të cilat i kanë të gjitha zarfet me madhësi, ngjyrë dhe mbishkrim të njejtë, gjë që lë hapësirë për dyshim se këto zarfe janë plotësuar dhe dërguar në mënyrë të orkestruar në adresë të KQZ-së. Poashtu ka edhe një jo konsistencë në dokumentet identifikuese brenda këtyre zarfeve, duke hasur në dokumente të cilat identifikojnë dy persona të ndryshëm nga ana e përparme dhe ajo e pasme e kartës identifikuese”, thuhet në komunikatën dërguar medieve.
Ata kërkojnë nga KQZ që të mos lejojnë të bëhet ndonjë ndërhyrje jo-demokratike në sistemin zgjedhor.
