Astrit Fazliu është prej sulmuesve më të mirë në Kosovë. Është prej futbollistëve me përvojë dhe luan me sukses në fanellën e skuadrës së Feronikelit nga Drenasi, kampion dhe fitues i Kupës së Kosovës. Është në formën më të mirë dhe pretendimet e tija janë që me ‘Niklin’ t’i mbrojnë trofetë e fituar në edicionin e kaluar. Fazliu ka një karrierë të pasur si futbollit, i cili ka luajtur për Ferizajn, Prishtinën, Trepçën, Shkëndijë të Tetovës, Partizan të Tiranës, Dritë të Gjilanit etj. Kudo që ka luajtur ka lënë gjurmë dhe ka fituar edhe shumë trofe. Është jashtëzakonisht i rrezikshëm në kundërsulme po ashtu edhe kur futet brenda 16-shit, sepse ka mjeshtri për të shënuar edhe nga pozitat më të vështira. /InLajmi/
Intervistë nga futbollisti i KF Feronikelit, Astrit Fazliu:
- Kur ka filluar inspirimi për futbollin? Nga cila moshë keni qenë aktiv?
“Inspirimin për futbollin e kam filluar qysh herët, nga mosha 12 vjeçare. Për mua futbolli ka qenë shumë i dashur dhe tërheqës andaj kam ndjekur shumë ndeshje dhe nga aty ka filluar inspirimi im për të qenë një futbollist. Pra që nga mosha 12 vjeçare kam startuar me futboll dhe më pas i kam kaluar të gjitha grupmoshat me radhë në futboll”.
- A keni mbështetje të mjaftueshme nga ekipi juaj ku luani? Ku e shihni veten në të ardhmen
“Ekipin ku unë luaj e kam shumë të mirë, kam mbështetje prej tyre dhe është një ekip që secilit lojtar i jep mbështetje të madhe. Kurse të ardhmen nuk e di ku mund të më dërgoj rruga, por e rëndësishme është që këtë vit të shpallemi kampion”.
- Si është të jesh një futbollist?
“Te jesh i suksesshëm në futboll është shumë e vështirë sepse shumica mendoj se është lehtë kur e shohin ndeshjen por për të përgatitur një ndeshje duhet stërvitje të vazhdueshme, mund dhe sakrificë pastaj 1 vit kampionat ka ndeshje të mira dhe ndeshje të këqija, herë ke formën e mirë herë të dobët pra një lojtar i mirë duhet të i menaxhoj mirë të gjitha. Te jesh futbollist do të thotë të jesh në qendër të vëmendjes, të përfaqësosh një ekip, një vend dhe një shtet, ku të gjitha kanë vlerën e tyre”.
- Për ju futbolli është pasion a profesion?
“ Me ju thënë të vërtetën futbolli për mua është më shumë pasion se profesion por kur e ke pasion normal pastaj shndërrohet në profesion”.
- Cili është mesazhi për të rinjtë që mund të përçoj ky sport, në motivin për të e ndjekur suksesin qoftë në Kosovë dhe jashtë vendit?
“Mesazhi im për të gjithë të rinjtë është se përmes futbollit mund të arrihet rruga më e emirë për një të ardhme shumë të mirë. Pasioni i futbollit iu largon nga gjërat e këqija sepse për futbollin kërkohet punë të vazhdueshme që të jemi në formë dhe shëndetit të plotë. Çdo të riju ju kisha referua të ndjekin sportin dhe ti ndjekin ëndrrat e tyre që mund të i kenë pasion. Aty ku flitet dhe shikohet për sportin mendoj që është edukimi më i mirë për secilin të ri”. /InLajmi/
