Një ishull me 6 banorë është cilësuar si më i miri në botë. Ishulli ‘Flatey’ i pozicionuar në vijën veri-perëndimore të bregdetit të Islandës ka zënë vendin impresionues në listën e një prej agjencive më të njohura “Big 7”, që ka bërë një renditje të 50 ishujve më të mirë për 2020-ën.
Në bazë të kombinimit të votave të lexuesve, reportazhit të mediave dhe eksperiencës së përjetuar nga vetë stafi gjatë udhëtimit, u zgjodh si ishulli më i mirë në botë.
Në ishull mund të mbërrish vetëm nëpërmjet një trageti dhe të marrësh një dhomë në hotelin e vetëm që ndodhet aty.
Ishulli është i njohur për bukurinë e tij të mahnitshme dhe librarinë, e ndërtuar në vitin 1864, e cila është më e vjetra në Islandë,shkruan indeksonline.
Gjithashtu ndodhet edhe një kishë, që daton nga viti 1926, me afreske të piktuara nga Kristjana dhe Baltasar Samper.
