Prokuroria Themelore në Ferizaj , Departamenti për të Mitur, njoftoi se sot ka bërë kërkesë në Gjykatën Themelore në Ferizaj, për caktimin e masës së parapurgimit, kundër të pandehurit D.SH i cili ishte dërguar në mbajtje nga data 10 tetor 2019.
I paraburgosuri me inicialet D.SH dyshohet se ka keqpërdorur seksualisht të miturën me të cilën ka bashkëjetuar kur nuk i kishte mbushur akoma 16 vjeç.
I dyshuari akuzohet se e ka kryer veprën penale “Dhunimi” nga neni 227 paragrafi 6 të Kodit Penal të Republikës së Kosovës, shkruan indeksonline.
