Shpërthimet janë ngjarjet më të fuqishme në Gjithësi , të afta të hedhin në erë menjëherë çdo gjë, që nga një copë gur, deri tek një yll i tërë gjigant.
Ato ndodhin kur reaksionet termike kimike ose bërthamore shkaktojnë një bymim të jashtëzakonshëm dhe pothuaj menjëhershëm të gazrave.
Disa shpërthime gjigante, si supernovat dhe vullkanet ndodhin vetvetiu , por edhe shpërthimet e krijuara nga njeriu mund të jenë të fuqishme.
Shembje me shpërthim
Për ta shkatërruar një ndërtesë pa dëmtuar asgjë përreth saj, inxhinierët duhet ta shpërthejnë atë nga brenda.
Për këtë ata venë ngarkesa eksplozivi në disa pika të dobëta të ndërtesës, të zgjedhura me kujdes, dhe pastaj i shpërthejnë ato në një rend të caktuar.
Për ta shembur një ndërtesë që nuk përdoret, specialistët duhet t’i vendosin eksplozivët me shumë kujdes, siç kanë bërë në këtë bllok apartamentesh me 18 kate në Shenijang të Kinës/InLajmi/.
Kurthe vdekjeprurëse
Minat janë bomba që mund të vendosen nën sipërfaqen e tokës.
Minat, që janë të mbushura me një lëndë kimike të quajtur trinitrotoluen(TNT), shpërthehen me anë të një ndezësi: nëpër minë kalon një valë e fuqishme tronditëse që e kthen gjithë TNT-në pothuaj gati menjëherë në gaz.
Gazi bymehet me forcë, duke shkaktuar dëme të tmerrshme.
Shpërthimin e shkakton ndezësi(një mjet i vogël shpërthyes brenda minës).
Ndezësit ndërtohen në mënyrë të tillë që të ndizen nëse dikush dikush shkel mbi minën, ose kalon me makinë pranë saj.
Eksluzivisht: Discovery Channel
