Vitin e kaluar 84. 345 refugjatë dhe migrantë ishin në gjendje të arrinin në Evropë përmes detit Mesdhe.
Të paktën 72. 263 migrantë dhe refugjatë të parregullt arritën në Evropë përmes detit në nëntë muajt e parë të vitit 2019, bëri të ditur Agjencia e Emigracionit e OKB-së.
Sipas raportit të lëshuar nga Organizata Ndërkombëtare për Emigracionin (IOM), 1 041 prej tyre humbën jetën në det.
Gjatë periudhës së njëjtë të vitit të kaluar, afro 84. 345 refugjatë dhe emigrantë ishin në gjendje të arrinin në Evropë përmes detit Mesdhe, ndërsa 1. 890 prej tyre u mbytën në det, transmeton ATSH-ja
Këtë vit, 39. 155 emigrantë dhe refugjatë të parregullt mbërritën në Greqi, më shumë se gjysma e mbërritjeve të përgjithshme, transmeton albinfo.ch.
“Këto arritje, brenda nëntë muajve të vitit 2019, janë më shumë se dy nga gjashtë vjetët e fundit”, thuhet në raport.
Në rrugën mesdhetare lindore, numri i vdekjeve raportohet të ketë arritur 66 në vitin 2019. Në rrugën perëndimore, Spanja pranoi 17. 405 emigrantë dhe refugjatë të parregullt.
Numri i vdekjeve të raportuara në rrugën e mesdheut perëndimor ishte 315, krahasuar me 511 në vitin 2018.
Sipas raportit të IOM-it, rreth 8. 000 emigrantë deri tashti kanë hyrë në Itali këtë vit. Rreth 21. 100 emigrantë hynë në vend gjatë periudhës së njëjtë në vitin 2018.
Malta pranoi 2. 800 refugjatë dhe emigrantë këtë vit, duke spikatur nga periudha e njëjtë e vitit të kaluar e cila pati 714 ardhje.
Vdekjet në rrugën mesdhetare qendrore u ulën në 660 në vitin 2019, krahasuar me 1. 261 në po të njëjtën periudhë të vitit të kaluar.
