Kryeministri Rama ka mbledhur këtë të hënë në një mbledhje urgjente koordinatorët dhe deputetët e qarkut të Shkodrës.
Në fokus të mbledhjes është ngërçi i krijuar në qytetin verior pas dorëheqjes së kandidatit fitues Valdrin Pjetri, i cili u largua pas daljes së të dhënave se kishte gënjyer në formularin e dekriminalizimit mbi një dënim në Itali vite më parë.
Rama gjithashtu pritet të diskutojë me deputetët e koordinatorët mbi zgjedhjen e drejtuesve të rinj të drejtorive në Shkodër, shumë prej të cilëve janë shkarkuar ose dorëhequr pas 30 qershorit.
Mësohet se të pranishëm në mbledhje janë Senida Mesi, Luan Harusha, Arben Pëllumbi dhe Musa Ulqini dhe deputetët e qarkut Shkodër.
