Sot në Kosovë po votohet për zgjedhjet e parakohshme parlamentare.
Presidenti i Kosovës Hashim Thaçi, i ka ftuar të gjithë qytetarët që të votojnë dhe ta shfrytëzojnë të drejtën e tyre, përcjell lajmi.net.
Përmes një postimi në profilin e tij zyrtar në rrjetin social Facebook, Thaçi po ashtu ka shkruar se Kosova tashmë ka ndërtuar traditë të zgjedhjeve të mira dhe të pranuara nga të gjithë.
Postimi i plotë i presidentit Thaçi
Sot Kosova zgjedh legjislaturën e re, që do të nxjerrë edhe qeverinë e re të Kosovës, e cila duhet të përmirësojë jetën e qytetarëve tanë dhe të përballet me sfidat që i kemi përpara.
Prandaj, ftoj për një pjesëmarrje sa më të madhe, për një proces elektoral të drejtë, të lirë dhe fer.
Kemi ndërtuar traditë të zgjedhjeve të mira dhe të pranuara nga të gjithë.
Sot le të fitojë Kosova. /
