Rrjeti i organizatave vëzhguese të zgjedhjeve “Demokracia në Veprim” mbajti konferencën e parë për nisjen e procesit zgjedhor.
Drejtuesi i Demokracia nw Veprim Ismet Kryeziu, drejtues i këtij koalicioni, tha se në 2.6 përqind, vendvotimet janë hapur me vonesë, si shkak i mos shpërndarjes së materialit dhe vonesave të disa komisionerëve.
“Sipas të dhënave të terenit të DnV-së kemi pasur vonesa në hapjen e votimeve në 2.6 përqind të vend votimeve dhe kanë qenë për shkak të vonesave të komisionerëve dhe shpërndarjes së materialeve, dhe për shkak të tërheqjes në momentin e fundit të komisoerit, në një vendvotim qytetarët nuk mund të votojnë”.
Në disa qendra të votimit në Prishtinë e Gjilan, sipas Kryeziut, janë vërejtur disa materiale propaganduese, duke i bërë thirrje subjekteve politke që ti largojnë këto materiale.
“Secili material që mund të shpërndahet në ditën e zgjedhjeve mund të ndikojë keq në procesin e votimit të qytetarëve. Në 7 përqind të vendvotimeve ka pasur material propagandues nga disa subjekte politike, ne i bëmë thirrje subjekteve politike që ti dalin dhe ti largojnë posterat propagandues në qëendart e votimit, më së shumti janë vërejtur në Gjilan dhe Prishtinë këto materiale propagandistike”.
Kryeziu shtoi se në 30 përqind të vendvotimeve, nuk janë krijuar kushte dhe qasje të mjaftueshme për personat me aftësi të kufizuara.
“Në 30 përqind të vendvotimeve nuk është krijuar casje e mjaftueshme për personat me aftësi të kufiozuara. 30 përqind të grave pjesëmarrëse në komisione. Këto janë të gjeturat e para në mëngjes që ne si DNV i kemi. I bëjmë thirrje të gjithë qytetarëve që të dalin dhe ta shfrytëzojnë të drejtën e tyre për të votu”.
