“Tregu i Lagjes time” çdo të marte, mërkure dhe të enjte u mundëson qytetarëve në kryeqytet të blejnë produkte vendore dhe pune dore nga artizanatet e ndryshme.
Ky projekt është financuar nga Komuna e Prishtinës dhe do të mbështetet për një periudhë të pacaktuar.
Tezat hapen që nga mëngjesi e deri në mbrëmje ku janë të ekspozuara vetëm prodhime vendore.
Xheliana Mosi njëra nga përfitueset e këtij projekti udhëton nga Jobani i Shkodrës për të promovuar punimet e saj të cilat i ka tradicionale në Kosovë.
Ajo thotë se zanatin e ka trashëguar nga gjyshja dhe është shumë e kënaqur që Komuna e Prishtinës i ka dhënë mundësinë që punën të e shfaq në treg të lirë. “ Qysh në moshë të re jam marrë me artizanat, punime me vegsh, veshje kombëtare qilima.
Zanatin e kam të trashëguar nga gjyshja. I falënderohem Komunës së Prishtinës që na kanë dhënë mundësin për të promovuar punën tonë. Në përgjithësi jam e kënaqur me të ardhurat por më ndodh që fitimin nga shitjet e veshjeve apo qilimave të e shpenzojë në udhëtim, biletë udhëtimi.
Pasi që materialet janë nga financat tona dëshira ime do të ishte të me vlerësohet puna në shitje”, tha Mosi. Një tjetër përfituese është edhe Raza Demolli nga fshati Dubovicë nga Komuna e Prishtinës e cila merret më kultivimin e pemëve dhe perimeve, kryesisht me sera-baqe.
Ajo tregon se fitimet janë të kënaqshme por mundi që bëjnë si familje nuk është se barazohet me fitimet.
Më tutje tha se nga fara e deri tek rritja dhe në fund përgatitja e turshive punohet me gjithçka natyrale dhe përkushtim si ekip familjar. Si lloj biznesi është që 4 vite dhe vazhdimisht dalin në panaire që i mbështet Komuna apo ndonjë organizata e huaj.
Me kënaqshmërinë e fitimeve që ofron projekti për punimet vendore është edhe Mire Canolli, punimet e saj janë pak më të shitura dhe me fitime të konsiderueshme nga se është artiste në punimet e aksesorëve të ndryshme dhe këto të cilat janë shumë në trend kohëve të fundit .
“Merrem me artizanate pune dore punoj që 5 vite punimet e mija janë në instagram dhe facebook dhe dal na panaire, punoj kryesisht aksesor duke nis nga vathët, unazat, dhe zinxhirët.
Tash kam nis që të punoj me drurit është sfidë për mua por do të ja dal pasi që janë në kërkim punimet tradicionale”, shtoi ajo.
Promovimet e prodhimeve vendore qofshin ushqimore, artzanate apo të tjera vazhdimisht janë të mbështetura nga organizatat e huaja apo Komuna e Prishtinës. Me këtë rast punimet vendore po kanë mundësi të shfaqen sa më afër konsumatorëve. /Inlajmi/
