Agjencia e Statistikave të Kosovës (ASK) ,ka publikuar statistikat e shëndetësisë për vitin 2018, ku numri i të vdekurve nga sëmundjet ngjitëse është 63.
Sëmundja ngjitëse e cila thuhet të ketë shkaktuar vdekjen është sëmundja Sepsis me gjithsej 21 persona.
Sipas ASK-së këto statistika ofrojnë të dhënat si shërbimet paraklinike, sëmundjet ngjitëse, dhe aktivitet e tjera të Qendrës Klinike Universitare të Kosovës.
“Sipas rezultateve të dala nga ky publikim, rezulton se numri i përgjithshëm i të punësuarve në shëndetësi në sektorin publik, në vitin 2018, ishte 13 180 persona, prej tyre 3 486 persona ishin mjekë specialistë, 8 226 infermierë dhe 1 468 staf jo-mjekësor. Numri i përgjithshëm i shërbimeve të ofruara nga Qendrat e Mjekësisë Familjare ishte 13 215 001 shërbime, prej tyre: në mjekësi familjare ishin 4 136 388 vizita; në stomatologji ishin 683 133 vizita; në laboratore ishin 2 665 980 shërbime; si dhe në intervenime dhe shërbime të veçanta ishin 4 582 422 sosh. Në spitalet e përgjithshme kishte 381 340 ditë shërimi me 84 222 pacientë të shtrirë, ku 18 376 pacientë ishin operuar”, thuhet në komunikatën e ASK-së
ASK- gjithashtu ka publikuar edhe të dhëna të tjera për sa i përket shërbimeve që ofron QKUK.
“Po ashtu, janë realizuar 825 381 vizita ambulantore, ndërsa shërbime (parametra) laboratorike janë kryer 1 571 836. Gjatë vitit 2018, në Qendrën Klinike Universitare kanë qenë 465 488 ditë shërimi me 78 791 pacientë të shtrirë, ku  ; 22 715 prej tyre janë operuar. Gjithashtu, janë realizuar rreth 352 377 vizita diagnostike për pacientë; 515 033 vizita ambulantore; 2 930 787 shërbime laboratorike dhe 551 036 shërbime të veçanta.Në Qendrën Klinike Stomatologjike Universitare të Kosovës (QKSUK) janë realizuar 330 522 shërbime stomatologjike në total, prej tyre rreth 51 829 vizita kontrolluese; 81 757 shërbime për pacientë jashtë Prishtinës, etj”, thuhet më tutje në komunikatën e ASK-së.
