Presidenti i Republikës së Kosovës, Hashim Thaçi është takuar me ish-presidentin e Shteteve të Bashkuara të Amerikës, Bill Clinton në ceremoninë mortore të presidentit të Francës, Zhak Shirak, që është mbajtur sot në Paris, ku kanë marrë pjesë edhe shumë liderë të tjerë botëror.
Përmes një postimi në Facebook, Thaçi ka thënë se kanë kujtuar së bashku me presidentin Clinton presidentin Shirak dhe angazhimin e tyre të përbashkët për lirinë dhe pavarësinë e Kosovës.
Postimi i plotë i Presidentit Thaçi:
Si gjithmonë kënaqësi të takoj mikun tim dhe të Kosovës, Presidentin Bill Clinton. Së bashku e kujtuam Presidentin Chirac dhe angazhimin tonë të përbashkët për lirinë dhe pavarësinë e Kosovës. HTH
