InLajmi vazhdon të ju sjell rubrikën unikate “5 premtimet si kandidat për kryeministër”, kësaj pyetje i përgjigjen emrat më të njohur të skenës shqiptare.
Nëse do të ishit kandidate për kryeministre, cilat do të ishin 5 premtimet e juaja për qytetarët?
Në këtë pyetje kështu përgjigjet moderatorja dhe gazetarja e njohur, Pranvera Behrami – Breznica:
Më keni zënë ngusht me këto pyetje, meqënëse cdo gjë tjetër në botë, mund të bëhesha, pos politikanes, ngase karakteri im nuk do të ma lejonte mos realizimin e ndonjë premtimi tashmë të dhënë, qoftë ndaj fëmijes sim, e lëre më ndaj një mase të tërë.
Kështu që, do ta kisha të vështirë të premtoja dicka që nuk do të mund ta realizoja. Nuk do të isha “politikane”e mirë, sepse do t’i thoja qytetarëve të mi troq, jo, kjo nuk mund të bëhet, sepse mungon kjo,kjo,kjo, e sigurisht që kjo përgjigje nuk është e duhura në “politikë”, e di, sepse të qenit e sinqertë në këtë spektër, ka kontra efekt, por prap mendoj që politikanët tanë do të duhej të ishin të tillë e të mos na “joshnin” me premtime që nuk mund të jetësohen kurrë. E unë në këtë rast, e kam të veshtirë të bëjë premtime në gjërat që nuk besoj 100 % që mund ti realizoj. Punoj fort dhe dua që ato të rezultojnë të suksesshme në praktike. Me pak fjalë e më shumë vepra. Dhe po e shihni, nuk mund të jem unë asnjëherë ajo “politikanja”, kështu nuk shkon, apo jo???
Por, 5 nga shumë çështjet që do të doja t’i shihja ndryshe të realizuara, do të ishin si në vijim:
- Shëndetësia: Duke qenë digasteri më jetik i të gjitheve, mendoj që vëmendja kryesore e politikës , rrjedhimisht e politikanëve tanë do të duhej të përqendrohej në pikërisht shëndetësinë, duke nisë nga infrastruktura e duhur, e cila tani e sa vite është për të ardhur keq, aty ku edhe i shëndoshi, sëmuret, e do të duhej të gjente shërimin, pastaj krijimin e kushteve më të mira higjienike, rikthimin e besueshmerisë së qytetarit tek mantelbardhët tanë, për të cilët ka tashmë shumë dyshime, trajtimin më të dinjitetshëm të pacienteve, pajisjen e spitaleve me barnat dhe pajisjet adekuate, ku nuk do të prekej xhepi i qytetarit, edhe ashtu i rënduar (i zbrazët), etj.
- Kultura: Krijimi i hapesirave kulturore, përfshirë qendrën për balet e atë për filharmoni, e cila do të kthente dëshirën e dashamirëve të artit për të ndjekur ngjarjet kulturore, te cilat me krijimin e hapesirave përkatese, do të shtoheshin, krijimin e më shumë kinemave në vend,
- Arsimi: Higjiena, higjiena, higjiena. Mungesa e saj, mbetet shqetesimi më i madh i prindërve që dërgojnë fëmijët në shkolla publike, prandaj do të bëja çmos që kësaj çështjeje t’i kushtohej rëndësi e posacme. Sic ndodh në botën e jashtme, do të veja në praktikë metodën e posedimit të peshqirëve për seclin nxënës, nëse posedimi i letrave higjienike po kushtoka. Do ti kushtoja rëndësi të posaçme sigurisë se nxënësve në shkollë, përmes kamerave dhe mbikqyrjes se tyre, për të kuptuar nëse mund të ketë nxënës që ngacmohen nga të tjerët, të tillë që mund të posedojnë armë të ftohta, sic ndodh shumë në shkolla, konsumim të lëndëve narkotike, e të ngjashme. Ndaj tyre, fillimsiht do të angazhoja psikologët përkatës, e nëse kjo nuk do të kishte sukses, do të pasonin ndëshkimet. Do të krijoja më shumë laboratore për lëndët respektive, që lëndet përkatëse të jetësoheshin në praktikë dhe jo vetëm në teori, do të shëndërroja orët mësimore më shumë në orë argëtuese , në mënyrë që cdo fëmije të shkonte në shkolle më dëshirë, do t’i kushtoja vëmendje aktiviteteve sportive brenda shkollës, në mënyrë që produktiviteti i fëmijëve në mësimxënie të ishte sa më i lartë, do të organizoja disa herë gjatë vitit gara sportive, gara të shkallës së intelegjencës, gara të të gjitha lëndëve përkatëse, në mënyrë që cdo fëmijë të gjëje profilin që i përkon e i pëlqen , etj.
- Sporti : Duke qenë se pikërisht sporti mbanë njerëzit larg krimit, konsumimit të duhanit e të lëndëve narkotike, larg alkoolit e larg jetës së natës dhe pranë një jetese të shëndetshme e ushqyeshmerie të tillë, vëmendje të veçantë do t’i kushtoja kësaj fushe. Do të krijoja shumë më shumë hapësira publike sportive, edhe për ata që kanë kushte jo të mira ekonomike, e që talentin e tyre nuk mund ta shprehin në fusha private.
- Rinia: Nuk e thonë kot që nëse do të arrish shumë, nuk bënë të krahasohesh me më të dobëtin, ose me të keqin, por me më të mirin, prandaj ne nuk mund të themi që kemi rini të shëndetshme duke e krahasuar me rinitë e shfrenuara në botë, por do të duhej të tërhiqnim paralelen me rini vërtetë të shëndetshme, e që fatkeqësisht, jemi dëshmitar të rasteve të shumta të dhunës, të perdorimit të lëndëve narkotike, me ç’rast statistikat e fundit po na tregojnë që ka rënë mosha e përdoruesve, që dmth, edhe të miturit tashmë janë bërë përdorues. Do të bashkëpunoja fort në këtë rast, me Policinë e Kosovës, e cila do të duhej të ishte shumë më vigjilente në vëzhgimin dhe ndëshkimin e këtyre rasteve, me Qendrat që mirren më të tilla çështje, në mënyre që këta të rinj të ndihmoheshin dhe pikat e lartë cekura, janë krejt të ndërlidhura edhe me rininë tonë, e cila po të kishte mëse të merrej dhe ku të argetohej, nuk do të kishte arsye dhe as stimulim që të mirrej me këto “lojra”që përkthehen me dëmtim individual, familjar dhe shoqeror në përgjithesi./InLajmi
