Teuta Haxhiun nga AAK-PSD, kandidate edhe për një mandat të deputetes në Kuvendin e Kosovës, ka thënë se depolitizimi i arsimit, nga niveli fillor deri në atë universitar është pika më e dobët që e kemi pas që nga paslufta.
“Ky do të jetë prioritet i yni. Nuk them se e kemi shkopin magjik”, ka thënë Haxhiu, në Rubikon të KTV-së.
Ajo ka propozuar që “profesorët që janë në lista zgjedhore, duhet të zgjedhin në mes të politikës dhe arsimit”.
Duke folur për kolegjet private, ajo ka thënë se nuk e di nëse Kosova ka nevojë për numër kaq të madh të kolegjeve private.
“Nuk e di se a është e duhura një numër kaq i madh. Duhet të kemi një filtrim, të ketë një garë të ngritjes së cilësisë. Në të kaluarën ka pasur vendim përmbylljen e kolegjeve, por as 48 orë nuk ka mbetur shiriti i mbylljes së atij kolegji dhe ka vazhduar punën”, ka thënë Haxhiu.
