Mbi vendin tonë pritet të mbajë mot të kthjellët dhe me diell, por I ftohtë.
Temperatura minimale ka arritur në 6 grade celcius, ndërkaq ajo maksimalja e ditës pritet të arrijë në 23 gradë celcius. Edhe në ditët e ardhshme parishkohet që mëngjeset të jenë të ftohta. Në fillim të javës së ardhshme priten reshje shiu, njofton Prishtina Weather.
Shërbimi i meteorologjisë bën të ditur se “fushat e presionit të lartë nga Evropa Qendrore në fundjavë do të shtrihen mbi rajon, që pritet të favorizojnë mot të kthjellët, mirëpo masat e ftohta ajrore që kanë depërtuar mbi vend, në orët e mëngjesit do të zbresin temperaturat minimale ndjeshëm nën vlera mesatare, e vende-vende paraqiten mundësi edhe për ngrica të ulëta”.
Nga dita e hënë, një turbullirë nga Atlantiku pritet të depërtojë mbi rajon, që do të sjellë kushte për reshje shiu, ndërsa ditën e martë reshjet mund të shoqërohen edhe me bubullima. /InLajmi/
