Fjalë gjysmë e mbetur
I thashë të mos shkonte…
Botës bashkë t’i japim shkëlqim
Rrugëve qetësinë të mos ua falnim
Të ecnim ëndërrimtarë si në fluturim
Ëndërruam, ëndërruam dhe ëndërruam
Pëllumba përjetshëm të pa ndarë
Por kandilin e dashurisë të dy e shuam
Mëri, zemërim, shpirtëra të vrarë
U vërbuam nga mashtrimet inatçore
Numëronim gabimet e njëri-tjetrit
Kapluar mendjet nga krenaria çorre
Mbetëm keqardhje e çdonjërit
Qerrja u thye…
Tani rrugë gjejmë plot
Ngushëllojmë veten se qe e shkruar
Zemrat vuajnë, sy të mbytur në lotë
Shkatërruam çdo gjë…
Mbetëm të humbur e të tretur
As lamtumira nuk pati fuqi të dalë
Fjalë gjysmë e mbetur…
Shkruan: Mentor Mani
