Dogana e Kosovës në 20 vjetorin e themelimit ka arritur rekord të ri në mbledhjen e të hyrave.
“Në vitin jubilar të doganës (20 vjetorin e themelimit) janë grumbulluar për herë të parë që nga themelimi mbi 800 milion euro në javën e dytë të shtatorit. Pra kjo paraqet një të arritur të madhe si dhe një lajmë të mirë për të gjithë qytetarët e Kosovës” shkruan Dogana në kumtesë.
Nga viti paraprak trendi i të hyrave në Doganë ka shënuar rritje në krahasim me të njëjtën periudhë kohore.
“Krahasimi me vitin paraprak tregon se trendi i të hyrave është në rritje, në të njëjtën periudhë dogana kishte grumbulluar rreth 773 milion euro derisa këtë viti po në të njëjtën periudhë kemi arritur të mbledhim mbi 804 milion që paraqet rritje prej 31 milion euro më shumë apo 4% më shumë”, shkruan në kumtesë.
Po ashtu dogana fton të gjithë qytetarët që të lajmërojnë nëse hasin në keqpërdorime apo kontrabandim./InLajm/.
