Ministri në largim i Ministrisë së Financave, Bedri Hamza, dhe Hekuran Murati nga Lëvizje Vetëvendosje janë përplasur në emisionin Rubikon të KTV-së në lidhje me shifrat e papunësisë në Kosovë. .
Bedri Hamza në emisionin Rubikon, i pyetur nga moderatori se niveli i papunësisë është 50%, Hamza i është përgjigjur duke e mohuar një gjë të tillë.
“Jo bre, na shifra mujm me dhënë sa duam, por sidoqoftë norma e papunësisë ka norma të ndryshme por është e lartë”, ka thënë fillimisht ai në debatin në të cilin po flitet për ekonominë.
Hamza ka ka treguar se ka pasur rritje ekonomike pre 4%
“Nuk është 50% është diku rreth 25-30%, mirëpo rritje ekonomike ka qenë mbi 4%, ka qenë më e madhja në regjion, por nuk është e mjaftueshme. Kosova gjatë këtyre viteve ka arrit të ketë progres”m është shprehur Hamza.
Hekuran Murati i Vetëvendosjes, ka shprehur bindjen se papunësia në Kosovë është më shumë se 50 për qind. Me këtë shifër nuk është pajtuar ministri në detyrë i Financave, Bedri Hamza, i PDK-së.
“Lehtë është me thanë sa të duash, por shifrat nuk çojnë te 50 përqindëshi. Papunësia te ne është e madhe, por nuk është 50 për qind. Sillet te 25 për qind deri në 30 për qind”, ka thënë Hamza.
“Te ne rritja ekonomike është 4 për qind, që është më e larta në rajon, e që megjithatë nuk është e mjaftueshme për të përballuar me sfidat e Kosovës”, ka thënë ai.
Gjithashtu Hamza ka thënë se fatbardhësisht në Kosovë është në rritje të vazhdueshme numri i të punësuarve në sektorin privat.
Murati u kundëpërgjigj duke thënë se investimet e huaja direkte janë zero. Derisa ka thënë se dy të tjerat prej tyre janë në patundshmëri, që nuk gjeneron zhvillim. /InLajmi/
